2017-imi ingerlariaqqiffiusumik ilinniakkamik naammassinnissimasut ikinnerusut

2016-imiit 2017-imut ingerlariaqqiffiusumik ilinniakkami naammassinnittartut amerlassusaat 8 pct.-inik appariarsimapput. Ilinniakkamik naammassinnissimasut katillugit 244-upput. Taakkunannga 46 pct.-ii Kalaallit Nunaata avataani naammassinnittuupput. Nunani allanilu ilinniakkamik naammassinnittut amerlisut , Kalaallit Nunaanni ilinniaqqittut naammassisut ikileriarput. Ukiumut kingullermut sanilliutissagaanni ingammik 2017-imi ilinniartitsisutut ilinniarsimasut ikileriarsimapput.  2017-imissaaq inunnik isumaginnittutut najukkami ilinnialertoqanngilaq[1]  – Tabeli 2 takuuk.

 

Piffissaq ungasinnerusoq isiginiassagaanni ingerlariaqqiffiusumik ilinniakkamik naammassisartut amerleriarujussuarput. 2005-imut sanilliullugu 2017-imi ilinniaqqillutik naammassisut 82 pct.-inik qaffariaateqarput.

 

Titartagaq 1. 2005-imiit 2017-imut ingerlariaqqiffiusumik ilinniakkamik naammassinnissimasut nunami ilinniarfigisamut immikkoortillugit

Najoqqutaq: Naatsorsueqqisaartarfik - Kisitsisaataavimmiittut kisitsisit takukkit (http://bank.stat.gl/UDNISC11D) .

 

Ingerlariaqqiffiusumik ilinniagallit akornanni amerlanerpaat bacheloritut ilinniagaqarput, ikittuinnaallu kandidatitut ilinniarnissartik qinertarlugu. Ineriartornerullu takutippaa kandidatitut naammassisartut amerlatsikkiartortut. 2017-imi kandidatitut ilinniarsimasut 38-upput, kandidatitut amerlanerpaat nunani allani ilinniartarput.

 

Titartagaq 1. 2005-imiit 2017-imut ingerlariaqqiffiusumik ilinniakkamik naammassinnittartut ilinniakkap suussusaanut immikkoortillugit

 

Najoqqutaq: Naatsorsueqqisaartarfik - Kisitsisaataavimmiittut kisitsisit takukkit(http://bank.stat.gl/UDNISC11D).

 

Ilinniartut pingajorarterutaat nunani allani ilinniartarput

2017-imi ilinniartut ingerlariaqqiffiusumik ilinniakkamik aallussisut 1.278-iupput. Taakkunanilu 828-t Kalaallit Nunaanni ilinniartuupput, 450-illu nunani allani ilinniartuullutik. Aallussisut amerlassusaat  2016-imitut inissisimapput. 2005-imut sanilliullugu  ilinniarnermik aallussisut amerlassusaat 2017-imi 77 pct.-inik qaffasinnerupput. Kalaallit Nunaanni ingerlariaqqiffiusumik ilinniarfiit alliartornerujussuaq nalaappaat.

 

Kalaallit Nunaanni kandidatitut ilinniarnissamik aallartittut amerlanerusut

2015-imi ingerlariaqqiffiusumik ilinniakkamik aallartitsisut qaffasinnerpaaffissaminiippoq, kisianni 2017-ip tungaanut appariatorusaarluni. Tamanna Kalaallit Nunaanni aamma nunani allani pivoq. 2017-imi ilinniakkamik aallartitsisimasut 2010-imi aallartissimasut amerlaqatigivaat.

Ilinniakkamik aallartitsisimasuni appariaat pivoq ingammik bacheloritut ilinnialersuni. Tamanna peqquteqarpoq pingaartumik ilinniartitsisutut ilinnialernissamik tigusaasut 2016-imi ikinnerummata, aamma 2017-imi najukkami inunnik isumaginninnermut ilinniarsinnaatitaanermik aallartitsisoqanngimmat. Kalaallit Nunaanni kandidatitut ilinnialernissamut aallartittut malunnartumik amerleriaateqarput. 2017-imi kandidatitut aallartittut 27-iupput 2015-imilu 15-iullutik.

 

Ataatsimut isigalugu

 

Tabeli 1. 2015-imiit 2017-imut ingerlariaqqiffiusumik ilinniakkamik ilinniartut ilinniarnerup suussusaanut, naatsorsuutit inerneranut aamma nunami ilinniarfigisamut immikkoortillugit

	2015		2016		2017
	Kalaallit Nunaanni	Nunani allani	Kalaallit Nunaanni	Nunani allani	Kalaallit Nunanni	Nunani allani
Sivikitsumik Ingerlariaqqiffiusumik ilinniakkat
Aallartittut ..................	57	47	72	49	72	46
Aallussisut  .................	98	75	99	76	112	81
Naammassisut ..............	41	20	38	23	31	26
Professionsbachelor
Aallartittut ..................	190	74	139	73	106	59
Aallussisut .................	504	175	458	168	453	146
Naammassisut ..............	118	20	109	23	69	39
Bachelor
Aallartittut ..................	64	82	67	68	60	63
Aallussisut .................	170	151	170	161	173	146
Naammassisut ..............	12	20	27	18	19	22
Kandidat
Aallartittut ..................	15	42	24	27	27	33
Aallussisut .................	66	83	79	77	90	77
Naammassisut ..............	11	14	2	26	12	26

Najoqqutaq: Naatsorsueqqissaartarfik - Kisitsisaataavimmiittut kisitsisit takukkit(http://bank.stat.gl/UDNISC11A, http://bank.stat.gl/UDNISC11FB, http://bank.stat.gl/UDNISC11D ).

 

Tabeli 2. 2013-imiit 2017-imut Kalaallit Nunaanni ingerlariaqqiffiusumik ilinniakkamik ilinniarlutik naammassinikut ilinniakkap suussusaanut aamma ilinniakkamut immikkoortillugit

	2013	2014	2015	2016	2017
Sivikitsumik Ingerlariaqqiffiusumik ilinniakkat
Takornariaqartitsinermi ...............	2	5	10	11	3
Niuernermik ilinnarfik .................	14	11	23	22	23
Procesteknikeri .....................	-	1	6	5	5
Palasi ............................	-	-	2	-	-
Professionsbachelori
Ilinniartitsisoq ......................	30	45	41	51	21
Meeqqat atuarfianni ilinniartitsisoq - najukkami .........................	2	-	-	-	-
Nutserineq oqaluttaanerlu  ............	-	-	-	1	7
Tusagassiortut .....................	4	3	2	6	6
Diplomingeniør – Issittumi Teknologii ....	4	5	5	4	3
Peqqissaasoq .....................	10	14	10	7
Inunnut isumaginnittoq ...............	32	12	50	9	15
Inunnut isumaginnittoq – najukkami	-	-	-	20	-
Isumaginninnermut siunnersorti ........	2	6	10	11	7
Bachelori
Teologi ...........................	2	2	-	1	-
Oqaasilerineq, atuakkialerineq tusagassiuutilerinerlu ................	3	2	5	6	5
Inuiaqatigiilerineq ...................	2	8	2	8	6
Inuiaat kulturiat oqaluttuarisaanerallu	8	5	5	12	8
Kandidati
Oqaasilerineq, atuakkialerineq tusagassiuutilerinerlu ................	1	3	2	1	2
Inuiaqatigiilerineq ...................	1	1	7	1	5
West Nordic studies .................	-	-	-	-	1
Inuiaat kulturiat oqaluttuarisaanerallu ....	3	1	2	-	4
Katillugit ..........................	120	124	182	176	131

Malugiuk: 2014 sioqqullugu najukkami isumaginnittunngornialersut isumaginninnermut ilinniarfimmi nalinginnaasumk aallartissimasutut nalunaarutigineqarsimapput. Tassani pineqarput 2013-imi 14-it aamma 2015-imi 34-it Isumaginninnermi najukkami ilinnialersut.

Najoqqutaq: Naatsorsueqqissaartarfik - Kisitsisaataavimmiittut kisitsisit takukkit(http://bank.stat.gl/UDNISC11K) .